சென்னையில் தவெக அரசின் முதல் முதலீட்டாளர்கள் மாநாடு தொடங்கியது. இதனை முதல்வர் சி. ஜோசப் விஜய் அவர்கள் தொடக்கி வைத்தார். புதிய அரசு அமைந்த பிறகு மாநில அரசு சார்பில் நடைபெறும் முதல் முதலீட்டாளர் மாநாடு என்பதால் மிகப் பெரும் கவனத்தை ஈர்த்துள்ளது.
வெற்றி தமிழ்நாடு முதலீட்டாளர்கள் மாநாடு 2026 மூலம் 97 நிறுவனங்களுடன் ₹67,452 கோடி மதிப்பிலான புரிந்துணர்வு ஒப்பந்தங்கள் (MoUs) கையெழுத்தாகியுள்ளன. இதன் மூலம் 1,06,998 புதிய வேலைவாய்ப்புகள் உருவாகும் என தெரிவிக்கப்பட்டுள்ளது.
மேலும், அரசு பதவியேற்ற முதல் 100 நாட்களில் முந்தைய முதலீடுகளையும் சேர்த்து 104 MoU-கள் மூலம் ₹1,02,514 கோடி முதலீடுகள் ஈர்க்கப்பட்டுள்ளதாகவும், 1,21,788 வேலைவாய்ப்புகள் உருவாகும் எனவும் கூறப்பட்டுள்ளது.
இதில் 55 புதிய (Greenfield) திட்டங்களும், 50 விரிவாக்கத் (Brownfield) திட்டங்களும் அடங்கும்.
முக்கிய முதலீடுகள்:
- JK Tyres – ₹5,143 கோடி
- Daimler – ₹4,000 கோடி – 400 புதிய வேலைவாய்ப்புகள்
- Hinduja Group – ₹2,500 கோடி
- Lucas TVS – ₹2,500 கோடி
- Saint-Gobain – ₹2,000 கோடி
- YKK Japan – ₹1,651 கோடி – 4,316 வேலைவாய்ப்புகள்
- Titan – ₹1,000 கோடி
- Ultraviolette – ₹779 கோடி – 4,000 வேலைவாய்ப்புகள்
- Avid Group – ₹7,000 கோடி – 12,000 நேரடி மற்றும் மறைமுக வேலைவாய்ப்புகள்
- Skyroot Aerospace – ₹250 கோடி
- Agnikul Cosmos – ₹400 கோடி – 1,500 வேலைவாய்ப்புகள்
- Super Micro – ₹477 கோடி
- BITZER – ₹300 கோடி
இந்த மாநாடு தமிழ்நாட்டில் தொழில் முதலீடு, வேலைவாய்ப்பு, EV, விண்வெளி, மின்னணு மற்றும் உயர் தொழில்நுட்பத் துறைகளின் வளர்ச்சிக்கு முக்கிய ஊக்கமாக அமைந்துள்ளது.
தென்காசி, நெல்லை, தூத்துக்குடி மற்றும் மத்திய, மாநில அரசு வேலைவாய்ப்பு செய்திகள்
